"Ukrainada saylovlarni o‘tkazish uchun moliyaviy resurslar yo‘q. Ob’ektiv ravisha biz saylovlarni tashkil etishni eplolmaymiz, chunki bizda defisitli byudjet bor", — dedi Ukraina prezidenti ofisi maslahatchisi Mixail Podolyak Novini LIVE nashriga bergan intervyusida.
Uning so‘zlariga ko‘ra, hozirda byudjetning ustuvor yo‘nalishlari – harbiy soha va uy xo‘jaliklari uchun iqtisodiy yo‘qotishlarini qoplaydigan ijtimoiy dasturlar. Podolyak xorijda bo‘lgan 6-8 mln ukrainalikning saylovda ishtirok etishi masalasi bilan maxsus ishchi guruh shug‘ullanishi kerakligini ta’kidladi.
Ukraina Markaziy saylov komissiyasi raisi o‘rinbosari Sergey Dubovikning ma’lum qilishicha, 2019 yildagi so‘nggi prezidentlik saylovlari byudjetga qariyb 2 mlrd grivnaga tushgan, biroq hozirgi sharoitda va inflyasiyani hisobga olgan holda birinchi tur 4-5 mlrd grivnaga (94,8-118 mln dollar), ikkinchi tur o‘tkazilganda esa 6,5-7 mlrd grivnaga (154-166 mln dollar) tushadi.
Afrikada o‘zini "payg‘ambar" deb atayotgan shaxs qurgan kema atrofida o‘n minglab odam to‘plandi
O‘qituvchilar va tibbiyot xodimlarining oyligi 2 baravar oshiriladi
Biz Suriyaga bir qarich ham yer bermaymiz
