Ukraina Qurolli kuchlari qabul qilib olgan F-16 qiruvchilarining birinchi partiyasi oltita samolyotni o‘z ichiga olgan bo‘lib, ular Niderlandiya tomonidan topshirilgan, deb yozadi The Times.
Nashr manbasining ta’kidlashicha, yaqin orada Ukraina Qurolli kuchlari Daniyadan yana bir partiyani oladi, biroq yetkazib berish muddatlari ko‘rsatilmagan.
Daily Telegraph gazetasining yozishicha, F-16 samolyotlari allaqachon havo hujumidan mudofaa maqsadida ukrainalik uchuvchilar bilan jangovar missiyalarni bajargan. Nashr ma’lumotlariga ko‘ra, hozircha qiruvchi samolyotlar havo nishonlariga qarshi kurashda orqada qo‘llaniladi.
