Ukraina YEI davlatlari beradigan qurollardan Rossiyadagi nishonlarga hujum qilishi kerak

Borrel Yevropa Ittifoqi davlatlarini Ukrainaga Rossiyadagi nishonlarga o‘ziga yetkazib berilgan qurollar bilan hujum qilishga ruxsat berishga chaqirdi.

Bu haqda Yevropa diplomatiyasi rahbari YEI tashqi ishlar vazirlarining Bryusseldagi uchrashuvi oldidan ma’lum qildi. «Men qayta-qayta aytamanki, Ukraina biz yetkazib beradigan qurollardan nafaqat o‘qlarni to‘xtatish, balki kamonchilarni o‘ldirish uchun ham foydalanishi kerak», — dedi Josep Borrel. «Evropa Ittifoqiga a’zo davlatlar bunga rozi bo‘lishiga umid qilaman», - deya qo‘shimcha qildi u. Avvalroq Yevroparlament ham xuddi shunday qaror qabul qilishga chaqirgan edi.

Bir kun oldin ma’lum bo‘lishicha, AQSh ko‘p ikkilanishlardan so‘ng Ukrainaga Rossiyaga ATACMS raketalarini otishiga ruxsat bergan. Jo Bayden Ukrainaga AQSh tomonidan yetkazib beriladigan qurollardan foydalanishga qo‘yilgan cheklovlarni bekor qildi. Germaniya ancha vazmin pozisiyani egallaydi. Kansler Olaf Shols Kiyevga TAURUS qanotli raketalarini yetkazib berishga rozi emas. «Yashillar»dan kanslerlikka nomzod Robert Xabek, agar saylansa, Kiyevga TAURUSni berishini aytdi. Xristian-demokratik kansler nomzodi Fridrix Mers ham xuddi shunday pozisiyani egallaydi.