Ukraina prezidenti Vladimir Zelenskiy ilk bor Ukrainaning Rossiyaning Kursk shahridagi hujumiga izoh berib, Ukraina armiyasi jangovar harakatlarni Rossiya hududiga o‘tkazayotganini va shu orqali «adolatni qaytarayotganini» aytdi.
«Ushbu jarayonni ta’minlagan mudofaa kuchlarimiz bo‘linmalarining har biriga rahmat. Ukraina adolatni tiklashni bilishini isbotladi», — dedi Ukraina rahbari.
Zelenskiy Ukrainaning Kurskdagi hujumi Moskvaga zaruriy «bosim» ekanligini, bu esa «adolatli dunyo»ni yaqinlashtirishi kerakligini ta’kidladi.
Ukraina tomoni hozircha Rossiyaning Kursk viloyatidagi vaziyatga rasman izoh bermadi. Chorshanba kuni Rossiya prezidenti Vladimir Putin Ukraina armiyasining Rossiya hududiga chuqur kirib borishini Ukraina uchun «yana bir keng ko‘lamli provokasiya» deb atadi.
Avvalroq Urushni o‘rganish instituti Ukraina qo‘shinlari Rossiya hududiga 10 kilometr chuqurlikka o‘tganini tasdiqlagan edi.
Ukraina rahbari, shuningdek, «Ukrainaning ma’naviy mustaqilligini mustahkamlash» qarorini e’lon qildi. «Biz Moskvani ukrainaliklarning erkinligini cheklash bo‘yicha so‘nggi imkoniyatlaridan mahrum qilishimiz kerak», dedi Zelenskiy, ehtimol Ukrainada «Rossiya tomonidan boshqariladigan cherkovlar»ni taqiqlash to‘g‘risidagi qonun loyihasiga ishora qilib.
Xitoy va Yaponiyadan keyin Rossiya ham shu taklifni bermoqda
RF uchun yana bir “bosh og‘riq” paydo bo‘ldi
Daniya AQSh tajovuzi bo‘lsa, Rossiyaga murojaat qilishni taklif qildi
