Dog‘istonlik sportchi Islom Maxachev yarim o‘rta vazn toifasidagi titul uchun jang qilishi mumkin.
Bu haqida UFC prezidenti Dana Uayt ma’lum qildi. Jurnalistning Maxachev yarim o‘rta vazn toifasi tituli uchun keyingi da’vogar bo‘lishi mumkinmi, degan savoliga Uayt “Albatta” deya javob qaytardi.
Maxachev 2022 yil oktyabr oyidan buyon yengil vazn toifasidagi UFC tituliga egalik qilib kelmoqda. Chempionlik janglarida Charlz Oliveyrani, Dastin Poryeni va ikki marta Aleks Volkanovskini taslim etgandi. 2023 yilning kuzidan boshlab Islom P4P reytingida yetakchilik qilmoqda.
Yarim o‘rta vazn toifasidagi chempionlik Bilol Muhammadga tegishli. Bilol 8 dekabr kuni Shavkat Rahmonovga qarshi jang qiladi.
Maxachev esa ushbu juftlik g‘olibiga qarshi oktagonga ko‘tariladi.
OFK KXDR-O‘zbekiston o‘yini boshlanish vaqtini e’lon qildi
O‘zbekiston milliy jamoasining Qatar va KXDRga qarshi o‘yinlari boshlanish vaqtlari
“Real”ning ikki yulduzi "El-klasiko"ni o‘tkazib yuboradigan bo‘ldi
