Ijtimoiy tarmoqlarda "Uchtepa tumani 25 mavzedagi daraxtlar noma’lum fuqarolar tomonidan zaharlanishi bilan bog‘liq vaziyat yuzaga kelgan" sarlavhali tanqidiy material e’lon qilindi.
Uchtepa tuman hokimining uy-joy kommunal xizmat ko‘rsatish va obodonlashtirish masalalari bo‘yicha o‘rinbosari Aziz Naimovning ma’lum qilishicha:
Tuman Ekologiya inspeksiyasining yozma xulosasiga ko‘ra, haqiqatdan ham, Uchtepa tumani 25 mavze 2-uy yonidaga daraxtlarni qasdan quritish maqsadida daraxtlarning pastki qismiga noma’lum kimyoviy modda sepilgan. Ammo, bu kimyoviy modda kim tomonidan sepilgani xozircha noma’lum.
Shu bois, hozirda huquqni muhofaza idoralar tomonidan surishtiruv ishlari olib borilmoqda.
Qo‘shimcha ma’lumotlar aniqlanishi bilan e’lon qilinadi.
