Polsha bosh vaziri Donald Tusk 1 sentyabr kuni Gdanskdagi Vesterplatte yarimorolida Ikkinchi jahon urushi boshlanganining 87 yilligiga bag‘ishlangan xotira tadbirlarida nutq so‘zladi.

Tusk 1939 yilda Vesterplatteda Polsha himoyachilari birinchi zarbani qabul qilgani bilan Rossiyaning Ukrainaga qarshi hozirgi agressiyasi o‘rtasida parallel o‘tkazdi.

U G‘arbni o‘tmishdagi xatolarni takrorlamaslikka chaqirib, urushning keyingi davri hal qiluvchi bo‘lishi mumkinligidan ogohlantirdi.

«Yaqin oylar — bu kuz va kelayotgan qish — nafaqat Ukrainaning mustaqilligi, balki Polsha va butun erkin dunyoning xavfsizligi uchun ham hal qiluvchi bo‘lishi mumkin», — dedi Tusk.

Polsha bosh vaziri Rossiyani urushni boshlagan yagona tomon deb atab, Ukraina va NATO mojaro uchun mas’ul emasligini ta’kidladi. U G‘arb o‘z kuchiga va ishonchli ittifoqlarga tayanishi kerakligini bildirdi.

Tusk, shuningdek, Finlyandiya, Latviya, Litva, Estoniya, Ruminiya, Daniya va yaqinda Germaniyada ham diversiya harakatlari kuzatilganini qayd etdi.

U Yevropa poytaxtlari «yovuzlik qarshisida hech kim yolg‘iz qolmasligi kerak» degan xulosani anglab yetishiga umid bildirdi.