Turkmen.news manbasiga ko‘ra, Turkmanistonning Fransiyadagi elchisi Shohrat Jumayevning rafiqasi va qizi siyosiy boshpana so‘ragan.
Avvalroq fransuz matbuoti may oyining o‘rtalarida Jumayevning rafiqasi polisiyaga murojaat qilgani haqida xabar bergan edi. Uning so‘zlariga ko‘ra, eri uni va ularning 19 yoshli qizini kaltaklagan. Keyinchalik elchixona ushbu ma’lumotni rad etdi.
Diplomatik doiralarga yaqin bo‘lgan yana bir manba elchining oilasi siyosiy boshpana so‘raganligi to‘g‘risida ham ma’lumotlarga ega ekanligini aytdi, ammo u bu ma’lumotni hali tasdiqlay olmadi. Unga ko‘ra, boshpana berish to‘g‘risidagi ariza "yaqinda" topshirilgan.
Shohrat Durdikuliyevich Jumayev dastlab OAVda Turkmanistonning Turkiyadagi konsuli sifatida tilga olingan. Keyin, 2008 yilda u Armanistondagi elchi lavozimiga o‘tkazildi. 2010 yilda u Ruminiyada elchi etib tayinlandi, 2013 yildan beri Xorvatiyada ham elchi bo‘lib ishladi. 2018 yil oxirida Jumayev Fransiya va Portugaliyadagi elchi sifatida ko‘chirildi. 2019 yil may oyida u shuningdek, Turkmanistonning YUNESKOdagi doimiy vakili etib tayinlandi.