Turkiyaning turli universitetlarida tahsil olayotgan talabalar kecha hibsga olingan muxolifatchi Istanbul hokimi Ekrem Imomog‘luni qo‘llab-quvvatlash maqsadida norozilik namoyishlari o‘tkazmoqda.
2023-yilgi prezidentlik saylovlarida nomzod bo‘lgan siyosatchi, Turkiyaning "Vatan" partiyasi raisi Muharrem Inje ham Galatasaroy universiteti talabalari yurishiga qo‘shildi. Inje Ekrem Imomog‘lining oilasi bilan uchrashganini ma’lum qildi.
Bundan tashqari, huquq-tartibot idoralari xodimlari va namoyishchilar o‘rtasida to‘qnashuvlar yuz bergani xabar qilinmoqda.
