Turkiyalik otishmachi Maskni Istanbulga taklif qildi. Mask taklifga nima deb javob berdi?

2024 yilda Parijda bo‘lib o‘tgan yozgi Olimpiada o‘yinlarida kumush medalni qo‘lga kiritgan Yusuf Dikech OAV va ijtimoiy tarmoq foydalanuvchilarining e’tiborini tortishda davom etmoqda.

Turkiyalik sportchi X ijtimoiy tarmog‘i orqali amerikalik tadbirkor Ilon Maskga murojaat qildi va uni Istanbulda sportning kelajagi va undagi robotlarning rolini muhokama qilishga taklif qildi.

«Salom, Elon! Sizningcha, kelajak robotlari qo‘llarini cho‘ntagiga solib, Olimpiya o‘yinlarida medallarni qo‘lga kirita oladimi? Buni qit’alarni birlashtiruvchi madaniy poytaxt Istanbulda muhokama qilsakchi?», deb yozadi Dikech.

🗣 Maskning javobi uzoq kutilmadi.

«Robotlar har doim nishonga tegadi. Dunyoning eng hayratlanarli shaharlaridan biri bo‘lgan Istanbulga tashrif buyurishni intiqlik bilan kutaman», — deb yozgan Mask.

Eslatib o‘tamiz, Yusuf Dikech Parijda bo‘lib o‘tgan Olimpiya o‘yinlarida aralash jamoalar o‘rtasida 10 metr masofaga pnevmatik to‘pponchadan o‘q otish bo‘yicha o‘tkazilgan musobaqadagi chiqishidan so‘ng jahon miqyosida shuhrat qozongan edi.

Hatto X ijtimoiy tarmog‘ining egasi Ilon Mask ham turkiyalik otishma haqidagi postga «Go‘zal» so‘zi bilan izoh bergan turkiyalik otishmaga e’tibor qaratdi.