Turkiyada ISHIDga aloqador 50 dan ortiq gumondor qo‘lga olindi

Turkiya maxsus xizmatlari 51 kishini “Islom davlati” terrorchilik guruhiga aloqadorlikda gumon qilib qo‘lga oldi.

Bu haqda respublika Ichki ishlar vazirligi rahbari Ali Erlikaya ma’lum qildi.

“21 viloyatda to‘rt kun davomida o‘tkazilgan amaliyotlar doirasida 51 kishi ISHID terrorchilik tashkilotiga aloqadorlikda gumonlanib qo‘lga olindi”, — deb yozdi vazir X (sobiq Twitter) sahifasida.

Ichki ishlar vazirligi rahbarining so‘zlariga ko‘ra, eng ko‘p hibsga olinganlar (10 kishi) Anqarada. Amaliyotlar davomida “Islomiy davlat” faoliyatiga oid muhim miqdordagi hujjatlar va raqamli axborot vositalari qo‘lga olindi.