Turkiyada daromadi 2 700 dollardan kam bo‘lganlar kambag‘al hisoblanadi

Mamlakatda inflyasiya o‘sib bormoqda.

Turkiya kasaba uyushmalari konfederasiyasi — TÜRK-İŞ tomonidan e’lon qilingan so‘nggi hisobotga ko‘ra, mamlakatda oyiga 81 734 turk lirasi ($2 718) dan kam daromad oladiganlar kambag‘al deb hisoblanadi.

Shuningdek, daromadi 25 092 liradan ($835) past bo‘lganlar esa ochlik chegarasida yashayotganlar sifatida tasniflanmoqda. Bu ko‘rsatkichlar mamlakatdagi yashash narxlari va inflyasiya sur’atlari ortib borayotganini yana bir bor tasdiqlamoqda.

TÜRK-İŞ hisobotiga ko‘ra, ayni damda Turkiyada oila asosiy ehtiyojlarini qondira olishi uchun o‘rtacha daromadning yuqori bo‘lishi talab etiladi. Bu esa hukumat va ijtimoiy tashkilotlar oldiga muhim ijtimoiy-iqtisodiy muammolarni hal qilish zaruratini qo‘ymoqda.