Turkiya shimolidagi Amasiya viloyatida avtobus ishtirokidagi YTHda 6 kishi halok bo‘ldi, 35 kishi jarohatlandi.
Bu haqda A Haber telekanali xabar berdi.
“Dastlabki ma’lumotlarga ko‘ra, hodisa natijasida olti nafar yo‘lovchi halok bo‘lgan, 35 nafar yo‘lovchi jarohatlangan”, — deyiladi xabarda.
Qayd etilishicha, avtobus haydovchisi boshqaruvni yo‘qotgan va transport vositasi ariqga ag‘darilib ketgan.
Barcha jabrlanganlar kasalxonaga yotqizilgan.
