Har ikki davlat uchun muhim hisoblangan shartnomada, Turkiyaning Somalining suvereniteti va dengiz domenini himoya qilish uchun ishonchli ittifoqchiga bo‘lgan ehtiyojini hisobga olgan holda, Somalining suvlarini boshqarish va himoya qilish uchun keng qamrovli vakolatlarga ega bo‘lishi qayd etilgan.
💬 Somali Vazirlar Kengashi yig‘ilishida ushbu kelishuv Somali va Turkiya o‘rtasidagi munosabatlar va hamkorlikni mustahkamlash yo‘lidagi muhim qadam ekanligi tasdiqlandi. Kelishuvda Turkiyaning boy dengiz resurslari bilan tanilgan iqtisodiy hududdan daromadning 30 foizini olishi belgilandi.
Bundan tashqari, kelishuv Somali suvlarida noqonuniy baliq ovlashga qarshi kurashga urg‘u beradi, shu sababli Turkiya Somali dengiz flotini jihozlashga va’da berdi. Bu harakat Somalining xalqaro hamkorlari ko‘magida iqtisodiy va siyosiy mustaqilligini ta’minlashga qaratilgan sa’y-harakatlarining bir qismidir.
⌛️ Shartnoma imzolangandan keyin 24 soat ichida kuchga kiradi va Turkiya Somali suvlarini himoya qilish uchun javobgar bo‘ladi. Har qanday qoidabuzarlik sodir bo‘lgan taqdirda, Turk qurolli kuchlari Somali suvlarini xuddi o‘zlariniki kabi himoya qilishga tayyor bo‘ladi.