Turkiya va Saudiya Arabistoni 6 may kuni ikki mamlakat tashqi ishlar vazirlari o‘rtasidagi muzokaralar chog‘ida fuqarolari uchun viza talablaridan voz kechish to‘g‘risidagi bitimni imzolashni rejalashtirmoqda.
Bu haqda turk diplomatik manbasi xabar bermoqda.
Turkiya tashqi ishlar vaziri Hakan Fidan va uning saudiyalik hamkasbi shahzoda Faysal bin Farhan Al Saud Turkiya-Saudiya Arabistoni Muvofiqlashtirish kengashi yig‘ilishiga raislik qiladi.
"Uchrashuv davomida oddiy va diplomatik pasport egalari to‘g‘risida bitim imzolanishi kutilmoqda", deb ta’kidladi manba.
Manbaning so‘zlariga ko‘ra, Yaqin Sharqdagi vaziyat bo‘yicha muhokamalar chog‘ida Fidan Turkiyaning muammolarni hal qilishda "mintaqaviy mas’uliyat"ga sodiqligini yana bir bor tasdiqlaydi va Anqara Erondagi urushni tugatishga qaratilgan sa’y-harakatlarga konstruktiv hissa qo‘shishda davom etishini ta’kidlaydi.
Bundan tashqari, u Hormuz bo‘g‘ozi atrofidagi voqealar "yangi keskinliklar va provokasiyalar"ga olib kelmasligi kerakligini ta’kidlaydi.
Himolayda 2021 yilda yo‘qolgan rossiyalik talaba yildan keyin Nepaldagi baland tog‘li buddaviy monastirda topildi
O‘zbekistonliklar may oyida 14 kun dam oladi
Serxio Aguero: «Abduqodir Husanov shu darajani 3-4 yil saqlab qolsa, dunyoning eng yaxshi himoyachilaridan biriga aylanishi mumkin»
