Turkiya 2024 yilda turizm bo‘yicha rekordlarni yangilashda davom etmoqda

Turkiya tarixiy boyliklari, serqirra tabiati va muhtasham sohillari bilan jahon turizmining sevimli manzillaridan biridir. Turkiyaning har faslga xos betakror jozibasini uni minglab sayyohlarni o‘ziga rom qilayotgan O‘rta yer dengizi va Egeyning moviy suvlaridan tortib tarixiy Ipak yo‘lining izlariga, qorli cho‘qqilardan termal buloqlarga qadar boy geografiyasida ko‘rish mumkin. Har yili millionlab odamlar nafaqat quyosh va dengiz, balki madaniyat, tarix, tabiat va tibbiyot turizmi uchun ham Turkiyani tanlashmoqda.

Yilning birinchi yarmida 23,7 milliard dollar daromad

Turkiya Madaniyat va turizm vazirligi internet sahifasida chop etilgan Chegara Statistikasi oylik byulleteniga ko‘ra, yilning 8 oyida Turkiyaga 40 million 295 ming 979 kishi tashrif buyurib, rekord o‘rnatildi. Bundan tashqari, yil oxirigacha sayyohlarni soni 60 millionga yetishi kutilmoqda.

Turkiyaga eng ko‘p sayyoh kelgan davlatlar qatorida Rossiya va Germaniya bo‘lib, ushbu o‘lkadan kelgan turistlar sonida ham sezilarli o‘sish kuzatildi. Ayniqsa, Rossiyadan kelgan sayyohlar soni pandemiyadan oldingi darajadan oshib ketdi. Shunga ko‘ra, dastlabki sakkiz oyda eng ko‘p sayyohlar Rossiyadan kelgan. O‘tgan 8 oyda Turkiyaga jami 4 million 550 ming 588 million rus turist tashrif buyurdi. Germaniya 4 million 385 ming 331 sayyoh bilan ikkinchi o‘rinni egalladi. Xuddi shu davrda Buyuk Britaniya 3 million 102 ming 412 ziyoratchi bilan uchinchi o‘rinni egalladi.

Turkiya Statistika qo‘mitasi (TUIK) ma’lumotlariga ko‘ra, yilning birinchi choragida turizmdan olingan 8,8 milliard dollar daromad bilan rekord o‘rnatildi. Bu rekord ikkinchi chorakda ikkinchi marta yangilandi. Yilning birinchi yarmida 23,7 milliard dollar daromad keltirgan turizm sektorining yil yakuni maqsadi 60 milliard dollar...

Antaliya 5 oyda taxminan 4 million sayyohni qabul qildi

Turkiyada turizm deganda aqlga ilk keladigan joylardan biri shubhasiz Antaliya. “Turizm poytaxti” Antaliya bu yil juda ham gavjum bo‘ldi. Yilning dastlabki 5 oyida Antaliyaga tashrif buyurganlar soni o‘tgan yilning shu davriga nisbatan 16,26 % ga oshdi. Shunday qilib, turizmda barcha davrlarning eng yaxshi starti rekordini yangilagan Antaliya ilk 5 oyda 3 million 959 ming 267 nafar sayyohni qabul qildi.

Shaharga eng ko‘p sayyoh 974 ming 272 kishi bilan Germaniyadan kelgan. Rossiya 857 ming 862 ziyoratchi bilan ikkinchi o‘rinni egalladi. Uchinchi o‘rinni 451 ming 341 kishi bilan Angliya egalladi. Bu davlatlardan keyin mos ravishda Polsha, Niderlandiya, Qozog‘iston, Ukraina, Litva, Belgiya va Fransiya joy oldi.

Istanbulga tashrif buyuruvchilar oqimi

Geografik joylashuvi va tarixi bilan barchani maftun qilgan Istanbul sayyohlar rekordini ham yangiladi. Istanbulga yilning birinchi 4 oyida jami 5 million 244 ming 936 nafar turist tashrif buyurdi.

Istanbulga kelgan xorijlik ziyoratchilar soni o‘tgan yilning shu davriga nisbatan 9,94 % ortdi.