Turk Havo Yo‘llari kecha tunda Moskva ayeroportlarida kiritilgan cheklovlar tufayli Rossiya poytaxtiga parvozlarni bekor qilmoqda.
Bu haqda Rossiya turistik operatorlar uyushmasi (ATOR) ma’lum qildi, deb yozadi “TASS” .
"26-may kuni Rossiyaning markaziy ayeroportlarida tungi vaqtda samolyotlarning qo‘nishi va jo‘nashiga yana cheklovlar kiritildi. Bu Domodedovo, Vnukovo va Jukovskiy ayeroportlari jadvalining o‘zgarishiga olib keldi. Reyslarning 60 foizga yaqini jadvalga muvofiq amalga oshirilmayapti yoki bekor qilindi. Turk havo yo‘llari reyslarining muntazamligi ham buzildi", - deyiladi xabarda.
Qayd etilishicha, turoperatorlar vaziyatni o‘rganmoqda va yangi parvoz vaqtlari haqida ma’lumot kutishni tavsiya qilmoqda.
