Tryudo Ukrainadagi vaziyatni hal qilish uchun hamkorlikka chaqirdi

Kanada bosh vaziri Jastin Tryudo Ukrainadagi vaziyatni hal qilish uchun yetakchilarni o‘zaro hamkorlikka chaqirdi.

Bu haqda u GFR kansleri Olaf Sholsning Rossiya prezidenti Vladimir Putinga qilgan qo‘ng‘irog‘iga izoh berar ekan, ma’lum qildi.

"O‘ylaymanki, biz hammamiz Ukrainadagi zo‘ravonlikka chek qo‘yish, butun dunyodagi mojarolarga chek qo‘yish qanchalik muhimligini tushunamiz, bu esa hamkasblar bilan ma’lum darajadagi hamkorlikni talab qiladi," - deya uning so‘zlaridan iqtibos keltiradi TASS.

Bundan tashqari, Kanada bosh vaziri Vladimir Putinga bo‘lgan ishonch darajasi "ehtimol eng past darajada" ekanligini qo‘shimcha qildi.