Transport vositasi havoni me’yoridan ortiq ifloslantirayotgan haydovchilar jarimaga tortilmoqda

10 apreldan hozirga qadar respublika bo‘ylab 58 ming 822 ta avtomobil ekologik nazoratdan o‘tkazilgan.

Shundan 518 ta transport vositasi atmosferaga me’yoridan ortiq zararli moddalar chiqarayotganligi aniqlangan hamda jami 303 nafar haydovchiga nisbatan MJtKning tegishli moddalari bilan jami 50,1 mln so‘m jarima qo‘llanilgan.

Shuningdek, 222 ta transport vositasining harakati vaqtincha to‘xtatilgan.

Bu "Toza havo" oyligining birinchi bosqichi doirasida o‘tkazilmoqda.
Mazkur bosqich 10-mayga qadar davom etadi.

Tadbir davomida jami 200 000 ta avtotransport vositalarini ekologik nazoratdan o‘tkazish belgilangan.