Qatarda futbol bo‘yicha U23 Osiyo kubogi o‘z yakuniga yetdi. Unda ishtirok etgan O‘zbekiston olimpiya terma jamoasi kumush medallarga sazovor bo‘ldi. Hamyurtlarimiz finalda Yaponiyaga qarshi mardonavor bahs olib borib, 0:1 hisobida imkoniyatni boy berdi.
O‘yin taqdirini hal qilgan gol 90+1-daqiqada Yamada tomonidan kiritildi.
Umarali Rahmonaliyev esa aynan o‘sha goldan so‘ng penaltidan unumli foydala olmadi.
Shunday bo‘lsa ham, yigitlarimiz final bosqichigacha yetib kelib, jamoamiz o‘z tarixida ilk bor Olimpiya o‘yinlari yo‘llanmasiga sazovor bo‘ldi. Biz Sizlar bilan faxrlanamiz, yurtimizning mard o‘g‘lonlari!
Futbol bo‘yicha U23 Osiyo kubogi, final
Yaponiya 1 - 0 O‘zbekiston
Gol: Yamada 90+1