Trampning tariflari: asosiy yuk AQSh iqtisodiyoti zimmasiga tushdi

The NYT xabar berishicha, Federal Reserve Bank of New York tomonidan o‘tkazilgan tadqiqot tariflar bilan bog‘liq xarajatlar prezidentning aksincha bayonotlariga qaramasdan, asosan amerikalik kompaniyalar va iste’molchilar zimmasiga tushayotganini tasdiqlaydi.

Federal Reserve Bank of New York va Columbia University iqtisodchilari e’lon qilgan tadqiqotga ko‘ra, 2025 yil noyabr holatiga kelib prezident tariflarining iqtisodiy yukining 90 foizi amerikalik kompaniyalar va iste’molchilar zimmasiga tushgan. Iqtisodchilar tariflarning “insidentligi”ni tahlil qildi — ya’ni yangi import soliqlari bilan bog‘liq xarajatlarni yakunda kim to‘layotganini aniqlashga urindi.
Tovar mamlakatga olib kirilganda, rasmiy importyor — ko‘pincha amerikalik kompaniya — dastlab tarifni AQSh hukumatiga to‘laydi.
Biroq importyor ushbu xarajatlarni boshqalar zimmasiga yuklashi mumkin: mijozlari uchun narxlarni oshirish yoki yetkazib beruvchilar bilan yanada manfaatli shartnomalarga erishish orqali.
Federal Reserve Bank of New York tadqiqotiga ko‘ra, 2024 yil yanvaridan 2025 yil noyabrigacha tarif xarajatlarining asosiy qismi amerikalik kompaniyalar va iste’molchilar zimmasiga to‘g‘ri kelgan. 2025 yilning ilk sakkiz oyida esa ularning baholashicha, tarif yukining 94 foizi AQSh hissasiga to‘g‘ri kelgan.
Shu tadqiqotchilar avval ham Trampning birinchi prezidentlik muddatida joriy etilgan tariflar ta’sirini o‘rganib, 2018–2019 yillardagi tariflar to‘liq ravishda amerikalik biznes va iste’molchilar zimmasiga yuklangan, degan xulosaga kelgan.