Trampning istagi Rossiya va Xitoy foydasiga xizmat qiladimi?

AQShning saylangan prezidenti Donald Trampning Panama kanali ustidan nazoratni qaytarib olish istagi haqidagi so‘zlari Rossiya va Xitoy manfaatiga xizmat qilishi mumkin. Bu haqda amerikalik senator Ben Kardin aytib o‘tdi.

“Bu dunyo davlatlarini bizning qanchalik ishonchli davlat ekanligimiz haqida o‘ylashga majbur qiladi. Bundan esa boshqa davlatlarni ular bilan ittifoq tuzishga chaqirayotgan Rossiya va Xitoyning foydasiga xizmat qilishi mumkin”, — dedi siyosatchi.

Kardin, shuningdek, Trampning Kanadaning Qo‘shma Shtatlarga qo‘shilishi haqidagi yana bir bayonotiga izoh berdi. Senator bunday bo‘lmasligiga ishonch bildirdi.