Trampning bayonoti kriptovalyuta bozorining qulashiga sabab bo‘ldi

Bloomberg nashri xabariga ko‘ra, kriptovalyuta bozori AQSh prezidenti Donald Tramp Xitoyga nisbatan tariflarni e’lon qilganidan keyin qulab tushdi, bu aprel oyi boshidan beri eng katta pasayish bo‘ldi.

"Qulash kamida aprel oyining boshidan beri eng kattasi bo‘ldi. Eng yirik kriptovalyuta Bitcoin, pasayish to‘xtatilgunga qadar Tramp o‘zining Truth Social platformasida e’lon qilganidan keyin 12 foizdan ko‘proqqa tushib ketdi", deyiladi hisobotda.

Qayd etilishicha, 6 milliard dollardan ortiq kriptovalyuta pozisiyalari Tramp e’lon qilganidan keyin bir soat ichida tugatilgan.

Avvalroq Tramp AQSh 1 noyabrda yoki undan oldin Xitoydan kelayotgan tovarlarga joriy darajadan yuqori bo‘lgan 100 foiz bojlar joriy etishini ma’lum qilgandi. Amerika prezidenti, shuningdek, Xitoy bilan bog‘liq muhim dasturiy ta’minotga eksport nazorati o‘rnatilishini ham ta’kidladi.