Trampdan antirekord

Prezidentligining 100-kunida Donald Tramp AQShning so‘nggi rahbarlari orasida eng past qo‘llab-quvvatlash darajasiga duch keldi - atigi 44 foiz uning faoliyatini ma’qullaydi.

Bu ko‘rsatkich xuddi shu bosqichda Bayden (54 foiz), Obama (62 foiz) va kichik Bush (63 foiz) dan past, shuningdek, sakkiz yil avvalgi (45 foiz) natijasidan ham yomonroq.

Fox News ma’lumotlariga ko‘ra, amerikaliklarning 59 foizi mamlakatdagi vaziyatdan norozi, 71 foizi iqtisodiyotni salbiy baholaydi, 55 foizi esa oilalarining turmush sharoiti yomonlashayotganini ta’kidlaydi.

So‘rovda qatnashganlarning atigi 38 foizi Tramp boshqaruvidagi kelgusi to‘rt yillik istiqbollardan ruhlanmoqda - 2017 yilda bu ko‘rsatkich 45 foiz edi.

Bundan tashqari, ko‘pchilik saylovchilar siyosiy kelishmovchiliklar, sog‘liqni saqlash tizimi, davlat xarajatlari va iqtisodiy inqiroz xavfi haqida tashvish bildirmoqda. Reytingning yangi pasayishini Reuters/Ipsos so‘rovnomalari ham tasdiqlaydi, ularga ko‘ra Trampning faoliyatini ma’qullash darajasi uning ikkinchi muddati boshlanganidan buyon eng past nuqtaga tushdi.