Bloomberg agentligining Eron va Xitoy rasmiylari bayonotlariga, tayanib yozishicha, Tehron hatto urush tugagan taqdirda ham bo‘g‘oz ustidan nazoratni yumshatishga unchalik qiziqish bildirmayapti. Eron prezidenti Mas’ud Pizishkiyon uning mamlakati Ho‘rmuzda "samarali va professional nazorat mexanizmlari"ni joriy etishini ma’lum qilgan.
Shu bilan birga, Xitoy tashqi ishlar vaziri Van I Ho‘rmuz bo‘g‘ozi imkon qadar tezroq ochilishi kerakligini ta’kidladi.
"Xitoyning ushbu bayonoti, dunyoning ikki eng yirik iqtisodiyoti Tramp shu haftada Si Jinpin bilan uchrashuvi chog‘ida Yaqin Sharqdagi mojaro bo‘yicha mushtarak jihatlarni ko‘rsatishga uringan bir paytda yangradi. Vaholanki, ular mohiyatan qarama-qarshi tomonlarda turibdi va Xitoy AQSh hamda Isroilning o‘z ittifoqchisi bo‘lgan Eronga qarshi hujumlarini bir necha bor tanqid qilgan", deb yozadi agentlik.
Xitoy va AQSh o‘rtasida Ho‘rmuzni ochish masalasida hamfikrlik bordek ko‘rinsa-da, bo‘g‘oz yopiqligicha qolmoqda. Kemalarga zarba berish tahdidlari tufayli undagi harakat yana butkul to‘xtab qolgan.
Shu bilan birga, dengiz harakatini tahlil qiluvchi Marinetraffic sayti ma’lumotlariga ko‘ra, so‘nggi bir sutka ichida Ho‘rmuz rmuz bo‘g‘ozidan bor-yo‘g‘i beshta kema o‘tgan.
Nurmat Otabekov xantavirus bo‘yicha axborot bilan chiqdi
Yana bir davlat Eronga maxfiy ravishda hujum uyushtirgan
Harbiy qo‘mondonlik Putinni Rossiya armiyasi kuzgacha butun Donbassni egallashiga ishontirdi
