AQSh prezidenti Donald Tramp Xitoy rahbari Si Szinpin bilan telefon orqali muloqot qilib, mamlakatlar o‘rtasidagi savdo aloqalarini muhokama qilishni rejalashtirayotganini ma’lum qildi.
Bu haqda Oq uy rahbari Oval kabinetda chiqishi chog‘ida ma’lum qilgan.
"Xitoy rahbari Si Szinpin bilan gaplashmoqchiman. U bilan yaxshi munosabatdaman. Biz yaxshi munosabatdamiz, lekin Bayden tufayli bizda katta savdo kamomadi bor, bir trillion dollardan ortiq", - dedi Tramp.
Unga ko‘ra, AQSh va Xitoy o‘rtasidagi savdo taqchilligi 1,2 trillion dollarni tashkil etadi. Prezident bu masalani Xitoy rahbari bilan allaqachon muhokama qilgani va uni yana ko‘tarish niyatida ekanini ta’kidladi. Tramp suhbat mavzulari orasida bojxona to‘lovlari va giyohvand moddalarga qarshi kurashni ham tilga oldi.
Oq uy rahbari, shuningdek, Qo‘shma Shtatlar Xitoy bilan harbiy mojaroga intilmayotganini, ammo Amerika qurolli kuchlari har qanday vaziyatga tayyor ekanini ta’kidladi.
"Biz Xitoy bilan potensial urushni xohlamaymiz, lekin agar bu sodir bo‘lganda, biz juda yaxshi jihozlangan bo‘lardik", dedi u.
Avvalroq Tramp 2025 yilda Si Szinpin bilan shaxsiy uchrashuv o‘tkazish imkoniyatiga ruxsat bergan edi.
"Turk yigitlari ruslardan ayollarini tortib olmoqda"
Qon to‘kishdan zavqlanadigan shaxs yana vazir etib tayinlandi
"Manchester Siti" o‘zining instagramdagi sahifasida O‘FAga keskin murojaat yo‘lladi
