Tramp Vashingtonda favqulodda holat e’lon qilish bilan tahdid qilmoqda

AQSh prezidenti Donald Tramp Vashington (AQSH, Kolumbiya okrugi) eng xavfsiz shaharlardan biriga aylanganini aytdi.

Bu haqda u Truth Social nashrida yozdi.

Oq uy rahbarining yozishicha, uning boshchiligidagi federal hukumat mamlakat poytaxtini qamrab olgan “to‘liq jinoiy tartibsizlik”ga aralashgan. Uning so‘zlariga ko‘ra, ushbu chora-tadbirlar tufayli Vashington bir necha hafta ichida “AQShning eng xavfli shaharlaridan biridan eng xavfsiz shaharlaridan biriga” aylandi: “Bu joy yana gullab-yashnamoqda, restoranlar, do‘konlar va korxonalar gavjum va o‘n yilliklarda birinchi marta jinoyat sodir bo‘lmayapti”.

Shu bilan birga, prezident shahar meri Myuriyel Bouzerning “xavfli” noqonuniy muhojirlarni deportasiya qilish va joylashtirish masalalarida Metropolitan polisiya departamenti va ICE (AQSh Immigrasiya va bojxona nazorati) o‘rtasidagi hamkorlikni to‘xtatish haqidagi qaroridan xavotir bildirdi. Uning so‘zlariga ko‘ra, agar federal hukumat bunga ruxsat bersa, jinoyatchilik yana ortadi.

"Vashington aholisi va bizneslariga, xavotir olmanglar. Men siz bilanman va bunga yo‘l qo‘ymayman. Men favqulodda holat e’lon qilaman va kerak bo‘lsa, mamlakatni federallashtiraman!!!...Amerikani yana buyuk qiling", - dedi prezident.