Tramp: "Tinchlik Kengashi mamlakatlari G‘azoni qayta tiklash uchun 5 milliard dollar ajratadi"

19 fevral kuni bo‘lib o‘tadigan birinchi yig‘ilishida Tinchlik Kengashiga a’zo davlatlar G‘azo sektorini qayta tiklash uchun 5 milliard dollardan ortiq mablag‘ ajratishga va’da berishadi.

AQSh prezidenti Donald Tramp bu haqda Truth Social ijtimoiy tarmog‘ida e’lon qildi.

Uning so‘zlariga ko‘ra, 19 fevral kuni Vashington Tinchlik institutida bo‘lib o‘tadigan Tinchlik Kengashining birinchi yig‘ilishida a’zo davlatlar G‘azoda qayta tiklash va gumanitar yordam ko‘rsatish uchun 5 milliard dollardan ortiq mablag‘ ajratishga va’da berishadi. Bundan tashqari, Oq uy rahbarining so‘zlariga ko‘ra, Tinchlik Kengashiga a’zo davlatlar Falastin anklavida "tinchlik va xavfsizlikni saqlash" uchun "minglab qo‘shinlarni joylashtirishga" tayyor.