Tramp Panama kanali va Grenlandiya uchun harbiy kuch ishlatishi mumkin

Oq uyning yangi rahbari Grenlandiya va Panama kanali ustidan nazorat o‘rnatish uchun iqtisodiy va harbiy bosimdan foydalanmasligiga “va’da bermaydi”.

Matbuot anjumani chog‘ida u bu hududlar ustidan nazorat AQShning iqtisodiy xavfsizligi uchun zarurligini ta’kidladi.

Bunday bayonotlar endi bo‘sh tahdidga o‘xshamayapti, chunki Grenlandiyaning rasmiy rahbari orolning Daniyadan mustaqillikka erishish rejalari haqida gapirgan va qirollik Trampning so‘zlaridan keyin mudofaa xarajatlarini $1,5 mlrd.ga oshirdi.

Avvalroq, “Biz uni yovuz tashqi dunyodan himoya qilamiz va asraymiz”, deb yozgandi Donald Tramp Truth Social ijtimoiy tarmog‘idagi sahifasida.