AQSh prezidenti Donald Tramp aprel oyida bo‘lib o‘tadigan parlament saylovlarida Vengriya Bosh vaziri Viktor Orbanni qo‘llab-quvvatlashini e’lon qildi.
Amerika yetakchisi bu haqda Truth Social ijtimoiy tarmog‘idagi sahifasida yozgan.
"Viktor Orban ajoyib natijalarga erishish borasida isbotlangan tajribaga ega chinakam kuchli va ta’sirchan yetakchi. U o‘zining buyuk mamlakati va xalqi uchun tinimsiz kurashadi va ularni sevadi, xuddi men Amerika Qo‘shma Shtatlarini sevganim kabi. Viktor Vengriyani himoya qilish, iqtisodiyotni rivojlantirish, ish o‘rinlari yaratish, savdoni rivojlantirish, noqonuniy immigrasiyaga qarshi kurashish va qonun va tartibni ta’minlash uchun astoydil harakat qilmoqda", deb yozgan Tramp.
U shuningdek, Vengriya va Qo‘shma Shtatlar o‘rtasidagi munosabatlar "hamkorlikning yangi cho‘qqilariga va ta’sirchan muvaffaqiyatlarga erishdi, buning katta qismi Orban tufaylidir" deb ta’kidladi.
"Men 2022 yilgi saylovlarda Viktorni faxr bilan qo‘llab-quvvatladim va buni yana bir bor amalga oshirishdan faxrlanaman. Viktor Orban haqiqiy do‘st, kurashchi va g‘olib va men uning Vengriya Bosh vaziri etib qayta saylanishini to‘liq va aniq qo‘llab-quvvatlayman - u hech qachon buyuk Vengriya xalqini tushkunlikka tushirmaydi", deb qo‘shimcha qildi Tramp.
Sadir Japarov Qamchibek Tashiyevni nega ishdan olganini tushuntirdi
Olim Yer aholisini «jahannam iqlimi»dan ogohlantirdi
Rossiyalik jurnalist AQShga jo‘nashdan oldin Netanyaxuning samolyotidan tushirib yuborildi
