Tramp: "Joriy qilgan tariflar AQShga 88 milliard dollar daromad keltirdi"

AQSh ma’muriyati tomonidan joriy qilingan savdo bojlari Amerika iqtisodiyotiga qariyb 88 milliard dollar miqdorida daromad keltirdi.

Bu haqda Amerika yetakchisi Donald Tramp 26 iyun kuni Oq uyda byudjet va soliq sohasidagi rejalariga bag‘ishlangan tadbirda so‘zlagan nutqida aytib o‘tdi.

Vashington ma’muriyati rahbari ta’kidlaganidek, Kongress ekspertlari unga Qo‘shma Shtatlar "rejalashtirilganidan ko‘ra ko‘proq mablag‘" olayotganini aytishdi. Amerika rahbari tushuntirganidek, ushbu ma’lumotlarga ko‘ra, Qo‘shma Shtatlar "bojlardan 88 milliard dollar olgan". Tramp bu hisob-kitoblar bo‘yicha hech qanday ma’lumot bermadi.

Oq uydagi Milliy iqtisodiy kengash rahbari Kevin Xassett may oyi oxirida Qo‘shma Shtatlar "bojlar joriy etilganidan beri 50-60 milliard dollarlik tarif daromadlari olganini" aytdi.

2 aprel kuni Tramp 185 mamlakat va hudud mahsulotlariga bojxona to‘lovlari joriy etilishini e’lon qildi. Rossiya bu ro‘yxatga kiritilmagan. 10 foizlik universal tariflar 5 apreldan, individual tariflar 9 apreldan kuchga kirdi. Shu kuni AQSh prezidenti ba’zi javob bojlari 90 kunga to‘xtatilishini e’lon qildi, bu Oq uyning tushuntirishicha, savdo maslahatlashuvlari bilan bog‘liq. Ushbu davrda 10% universal tarif amal qiladi.