Tramp: "Eronda qotilliklar to‘xtadi"

AQSh prezidenti Donald Tramp Erondagi qotilliklar to‘xtaganini ma’lum qildi.

Amerika yetakchisi bu bayonotni Oq uyda bo‘lib o‘tgan hujjatlarni imzolash marosimida aytdi.

"Bizga Erondagi qotilliklar to‘xtayotgani aytildi - ular allaqachon to‘xtagan", dedi u.

Tramp shuningdek, bu ma’lumotni "tekshirib ko‘rishini" ta’kidladi: "Agar bu haqiqat bo‘lmasa, biz juda g‘azablanamiz".

Eronda norozilik namoyishlari 28 dekabr kuni milliy valyutaning to‘satdan qulashi ortidan boshlangan va o‘shandan beri mamlakat bo‘ylab kamida 46 ta shaharga tarqaldi. Xabarlarga ko‘ra, yuzlab odamlar, jumladan, bolalar halok bo‘lgan va yana ko‘plab odamlar yaralangan.