Tramp: "Eron bilan muzokaralarda shaxsan o‘zim ishtirok etaman"

AQSh prezidenti Donald Tramp Vashington va Tehron o‘rtasidagi muzokaralarda shaxsan ishtirok etayotganini aytdi.

Amerika yetakchisi bu haqda Oq uyda jurnalistlarga shunday dedi.

“Menga Eronda yoqmaydigan narsa shundaki, ular men bilan hurmat bilan gaplashishadi va keyin televizorga chiqib: “Biz prezident bilan gaplashmadik”, deyishadi. Lekin men shunchaki ular bilan gaplashdim. Ular o‘yin o‘ynashyapti”, dedi Tramp.

Uning qo‘shimcha qilishicha, Tehron Vashington bilan harbiy harakatlarga chek qo‘yish bo‘yicha kelishuvga erishishdan manfaatdor.

“Men sizga shuni aytishim mumkin: Eron kelishuvga erishmoqchi”, deb qo‘shimcha qildi AQSh prezidenti.