Nashrning xabariga ko‘ra, AQSh prezidenti Daniya bosh vaziri Mette Frederiksen bilan o‘tkazilgan telefon muloqotida Grenlandiyani sotib olish niyati jiddiy ekanini bildirgan. Daniya hukumati rahbari bunga javoban garchi Vashington tomonidan "kuchli qiziqish" bo‘lsa ham, orolni sotish imkonsizligini aytgan.
"Ushbu qo‘ng‘iroq haqida xabardor bo‘lgan Yevropa Ittifoqining besh nafar amaldagi va sobiq yuqori martabali amaldorlari suhbat juda yomon ohangda o‘tganini aytishdi. Frederiksen AQSh bilan hamkorlikni kuchaytirishga tayyorligini bildirganiga qaramay, Donald Tramp o‘ta yomon kayfiyatda bo‘lgan va o‘zini agressiv tutgan", deb yozadi Financial Times.
Nashrning taxmin qilishicha, Tramp va Frederiksen o‘rtasidagi suhbat tafsilotlari "Trampning hokimiyatga qaytishi transatlantik munosabatlardagi taranglikni har qachongidan ham kuchaytirishi mumkin", degan xavotirlarni oshiradi.
AQSh prezidenti Daniya Grenlandiyani sotishdan bosh tortsa, mamlakatga qarshi maxsus choralar, masalan, ayrim mahsulotlarga oshirilgan bojlar joriy qilish bilan tahdid qilgan.
"Ko‘rinmas" rus dronlari Ukraina artilleriyasini mazax qilmoqda
Rossiya Su-35’larni Xitoyga sotib xato qildimi? Xitoy Su-35’larni uchish uchun emas, nusxa olish uchun olgan!
Rossiya Xitoydan tinchlikparvar kuchlarni qabul qilishga rozi
