Tramp bugun yana bir yangi farmonni imzolamoqchi

AQSh prezidenti Donald Tramp bugun Ta’lim vazirligini tugatish jarayoniga start beradigan farmonni imzolashi kutilmoqda, deya xabar bermoqda OAV.

Bu respublikachi prezidentning saylovoldi va’dalaridan biri edi. Ma’lumotlarga ko‘ra, vazirlik maktablar ustidan nazoratni shtatlar va mahalliy jamoatchilik organlariga o‘tkazadi.

AQSh ta’lim vazirligini to‘liq yopish uchun Kongress roziligi zarur bo‘ladi, biroq vazir Linda Makmen allaqachon vazirlik xodimlari sonini ikki baravarga qisqartirgan. Oq uy bu islohot ta’lim sifatini yaxshilashiga ishonch bildirmoqda.