Toshkentning yana bir qismi issiqlik ta’minotisiz qoldi. Navbat Chilonzorga

Toshkent shahar Chilonzor tumani Zargarlik ko‘chasidagi magistral issiqlik tarmog‘ida nosozlik yuzaga kelgani sababli qator manzillarda issiqlik ta’minoti vaqtincha to‘xtatiladi.

Ular: 
Qizil Sharq mavzesi; 
Al-Xorazmiy mavzesi; 
Chilonzor-18, 19, 20 mavzelari. 

Bunda barcha xonadonlarda issiq suv ta’minoti saqlanib qoladi.

Ayni vaqtda issiqlik ta’minotini tezkorlik bilan tiklash bo‘yicha barcha choralar ko‘rilmoqda. 

Noqulayliklar uchun uzr so‘raymiz, deyiladi xabarda. 

Avvalroq, Toshkentning katta qismi, ya’ni Olmazor tumani sovuq kunlarda vaqtincha issiqlik ta’minotisiz qolgani xabar qilingandi.