Toshkentning Olmazor tumanidagi ko‘chaning bir qismi sentyabrgacha yopildi

Olmazor tumanidagi Qorasaroy ko‘chasining Abdulla Qodiriy ko‘chasidan Nurafshon ko‘chasi bilan kesishgan joyigacha bo‘lgan qismi sentyabr oyigacha transport vositalari uchun yopildi.

Toshkent shahar hokimligi matbuot xizmatining xabar berishicha, qurilish-ta’mirlash ishlari olib borilishi munosabati bilan Olmazor tumanidagi Qorasaroy ko‘chasida transport vositalari harakati vaqtincha to‘xtatiladi.

Ma’lumotlarga ko‘ra, ishlarni bajarish muddati shu yilning 2 apreldan sentyabr oyigacha belgilangan.

"Vaqtinchalik noqulayliklar uchun uzr so‘raymiz va haydovchilarga muqobil yo‘nalishlardan foydalanib, o‘z yo‘llarini oldindan rejalashtirish tavsiya etiladi", — deyiladi xabarda.