Rossiya Prezidentining maxsus vakili va RF to‘g‘ridan to‘g‘ri investisiyalar jamg‘armasi rahbari Kirill Dmitriyev Vashingtonga safari ortidan bir qator shov-shuvli bayonotlar bilan chiqdi.
Shuningdek, u Rossiya ko‘plab tomonlar va Qo‘shma Shtatlar o‘rtasidagi muloqotni buzishga urinishayotganini ta’kidladi.
Kirill Dmitriyevning boshqa bayonotlari:
◾️ Tramp ma’muriyati konstruktiv kayfiyatda bo‘lib, Rossiya bilan muloqotda hurmat bilan munosabatda bo‘lmoqda;
◾️ Ukrainada o‘t ochishni to‘xtatish bo‘yicha kelishuvga erishishda sezilarli siljish mavjud;
◾️ Rossiya va AQSh to‘g‘ridan-to‘g‘ri aviaqatnovlarni tiklash masalasini muhokama qilmoqda;
◾️ Tramp ma’muriyati Rossiyaning pozisiyasini eshitmoqda;
AQSh kompaniyalari Yevropa kompaniyalari tark etgan Rossiya bozoridagi bo‘shliqlarni to‘ldirishga tayyor;
◾️ Moskva va Vashington o‘rtasidagi yangi muzokaralarning sanasi yaqin vaqt ichida belgilanadi;
◾️ Tramp ma’muriyati vakillari bilan Arktika va nodir metallarga oid hamkorlik muhokama qilingan;
◾️ Amerikalik hamkasblarimni Rossiyaga tashrif buyurishga taklif qildim;
◾️ Rossiya va AQSh o‘rtasidagi barcha ziddiyatlarni hal qilish uchun yana bir qator uchrashuvlar kerak bo‘ladi;
◾️ Rossiyaning Yevropaga hujum qilishi mumkinligi haqidagi g‘oya – bu ahmoqona fikr;
◾️ Ukrainaning NATO'ga a’zo bo‘lmasligi g‘oyasi Tramp ma’muriyatida, shuningdek boshqa doiralarda ham keng qabul qilingan.
Dmitriyevning ta’kidlashicha, Donald Tramp ma’muriyati «Rossiyaning xavotirlarini eshitmoqda va tushunadi». Uning so‘zlariga ko‘ra, hozirning o‘zidayoq «oliy darajadagi aloqalar» olib borilmoqda, AQSh bilan yangi muzokaralar esa yaqin vaqt ichida o‘tkazilishi mumkin.
