Toshkent shahrining Mirobod tumani Shahrisabz ko‘chasidagi avval Miran mehmonxonasi joylashgan, hozirda rekonstruksiya qilinayotgan binoning tom qismidagi yong‘in o‘chirildi, deb xabar qildi FVV matbuot xizmati.
Voqea joyiga birinchi yong‘in-qutqaruv guruhi soat 17:24 da yetib keldi. Yong‘inni o‘chirishda jami 14 nafar ekipaj ishtirok etdi. Soat 18:19 da yong‘in mahalliylashtirilib, 19:16 da o‘chirildi.
Yong‘in oqibatida jabrlangan va halok bo‘lganlar haqida ma’lumotlar yo‘q.
Holatni bartaraf etish jarayoniga Favqulodda vaziyatlar vaziri Abdulla Qo‘ldoshev boshchilik qildi. Toshkent shahri hokimligining xabar berishicha, voqea joyida poytaxt hokimi Shavkat Umurzoqov, FVB, IIBB, Milliy gvardiya va Toshkent prokuraturasi rahbarlari ham ishlagan.
Hozirda yong‘in sabablari va yetkazilgan moddiy zarar miqdori aniqlanmoqda.
Bugundan respublikamiz hududlarida kuchli yog‘ingarchilik (yomg‘ir—qor) bo‘lishi kutilmoqda
Isroil Eronga zarba berishga tayyorlanmoqda. Saudiya Arabistonining reaksiyasi
Aholi sonining kelajakdagi o‘sishiga turtki bo‘lgan Top-10 ta davlat
