Toshkentda Ramazon oyi munosabati bilan 13 ta avtobus yo‘nalishi o‘zgardi

Toshkentda Ramazon oyi munosabati bilan masjidlar yaqinidagi yo‘llar transport harakati uchun vaqtincha yopilishi haqida xabar berilgandi.

«Toshshahartransxizmat» mazkur yo‘llarda harakatlanuvchi 13 ta avtobus yo‘nalishi ham o‘zgarishini ma’lum qildi.

Xabarga ko‘ra, Ramazon oyi kechalarida Toshkent shahridagi masjidlarda Taroveh namozi o‘qilishi munosabati bilan 13 apreldan boshlab har kuni 18:00 dan 23:00 ga qadar Ko‘kcha Darvoza ko‘chasi Beshqayrag‘och ko‘chasidan Nurafshon ko‘chasigacha bo‘lgan yo‘l transport vositalari harakati uchun berkitiladi. Ushbu manzil orqali harakatlanuvchi 8t, 27, 35, 46, 53, 73, 141, 146-sonli avtobus yo‘nalishlari o‘zgaradi.

Shuningdek, 13 apreldan boshlab har kuni 18:00 dan 23:00 ga qadar Lutfiy ko‘chasi Katta Qa’ni ko‘chasi bilan kesishmadan Katta Xirmontepa ko‘chasi bilan kesishgan yo‘lgacha transport vositalari harakati uchun berkitiladi. Ushbu manzil orqali harakatlanuvchi 13 va 56-sonli avtobus yo‘nalishlari ham o‘zgaradi.

Bundan tashqari, 13 apreldan boshlab har kuni 18:00 dan 23:00 ga qadar Keles yo‘li ko‘chasi Noraztepa ko‘chasidan Gulsaroy ko‘chasigacha bo‘lgan yo‘l transport vositalari harakati uchun berkitiladi. Ushbu manzil orqali harakatlanuvchi 118 va 120-sonli avtobus yo‘nalishlari o‘zgartirildi.

Ma’lum qilinishicha, 13 apreldan boshlab har kuni 18:00 dan 23:00 ga qadar Al-Xorazmiy ko‘chasi Katta Qa’ni ko‘chasidan Katta Xirmontepa ko‘chasigacha bo‘lgan yo‘l transport vositalari harakati uchun berkitiladi. Ushbu manzil orqali harakatlanuvchi 17T sonli avtobus yo‘nalishi o‘zgaradi.