Ekologiya, atrof-muhitni muhofaza qilish va iqlim o‘zgarishi vazirligi Toshkent shahar boshqarmasining Yunusobod tumani bo‘limi davlat inspektorlari hamda Ekopatrul xodimlari hamkorligida tuman hududi bo‘ylab navbatdagi nazorat reyd tadbirlari olib borilishi jarayonida TXAY ko‘chasida istiqomat qiluvchi fuqaro tomonidan chiqindilarni noqonuniy ravishda belgilanmagan joylarga tashlaganligi ma’lum bo‘ldi.
Yuzaga kelgan mazkur holat yuzasidan huquqbuzarlik sodir etgan fuqaroga nisbatan, davlat inspektorlari tomonidan O‘zbekiston Respublikasi MJtK ning 91¹-moddasiga asosan tegishli tartibda ma’muriy bayonnoma rasmiylashtirilib, jarima belgilandi va fuqaro bilan tushuntirish-targ‘ibot ishlari olib borildi.
