Toshkent viloyatida tarixiy yodgorliklarga 342 mlrd so‘m zarar yetkazilgani aniqlandi

Bosh prokuratura tomonidan Toshkent viloyatida madaniy meros ob’ektlarini muhofaza qilishga qaratilgan nazorat tadbirlari o‘tkazildi, deya xabar bermoqda Bosh prokuratura Matbuot xizmati.

Qayd etilishicha, tekshirishda bir qator noyob arxeologiya yodgorliklariga jiddiy ziyon yetkazilgani aniqlandi.

Xususan,

— Oqqo‘rg‘on tumanida “Zokirtepa” (V – VII asrlar) yodgorligining 1400 m3 qismi terak ekish uchun qazilishi natijasida 44,6 mlrd;

— “Sanchtepa” yodgorligining 129 m3 qismi yo‘l ochish uchun tekislanib 2,2 mlrd;

— Parkent tumanida “Qoravultepa” yodgorligining 941 m3 qismi va “Ertepa” yodgorligining 23 m3 qismi buzilib, jami 16,4 mlrd;

— Piskent tumanida “Mingtepa” (mil. avv. V asr) yodgorligining 7000 m3 qismi buzilib, 231 mlrd;

— Ohangaron tumanida “Dumgalaktepa” (V - VI asrlar) yodgorligining 658 m3 qismi texnika yordamida qazilib 21 mlrd;

— Yuqorichirchiq tumanida “Xojakaytepa” (V - VII asrlar) yodgorligining 43 m3 qismi tekislanib 1,3 mlrd;

— O‘rta Chirchiq tumanida “Tuyabo‘g‘iztepa” yodgorligining 54 m3 qismi buzilib, 1,7 mlrd;

— Nurafshon shahrida “Chordaratepa” (III - VIII asrlar) yodgorligining 38 m3 qismi buzilib 1,2 mlrd. so‘m zarar yetkazilgan.

Jami 13 ta yodgorlikka 342 mlrd so‘m zarar yetkazilgani aniqlanib, jinoyat ishlari qo‘zg‘atildi va dastlabki tergov harakatlari olib borilmoqda.