Toshkent va Vashington yer osti boyliklarini birga o‘zlashtiradi

O‘zbekiston va AQSh muhim minerallar bo‘yicha bitimlar imzoladi.

Toshkent AQSh kompaniyalari bilan foydali qazilmalarni qazib chiqarish sohasida bir qator kelishuvlar imzoladi.

Bu kelishuv O‘zbekiston vakillarining AQShga tashrifi doirasida amalga oshirildi, deb xabar bermoqda respublika Investisiyalar, sanoat va savdo vazirligi.

Uchrashuvlar yakunlari bo‘yicha foydali qazilmalar sohasida hamkorlik to‘g‘risida kelishuvlar imzolandi hamda foydali qazilma konlarini qidirish va qazib olishga investisiyalar kiritish, yuqori darajada maydalash komplekslarini (HPGR) qurish, innovasion texnologiyalarni jalb etish va muhim xomashyo uchun qo‘shilgan qiymat yaratish, o‘zbekistonlik mutaxassislarning malakasini oshirish bo‘yicha kelishuvlarga erishildi.