O‘zbekiston va Rossiya koronavirusga qarshi «Sputnik V» vaksinasining O‘zbekistonda ishlab chiqarilishi bo‘yicha kelishib oldi. Bu haqda O‘zbekistonga tashrif bilan kelgan Rossiya sog‘liqni saqlash vaziri Mixail Murashko ma’lum qildi.
Murashko tashrif doirasida O‘zbekiston prezidenti Shavkat Mirziyoyev bilan uchrashgan.
«Rossiya prezidenti Vladimir Putin va O‘zbekiston prezidentining topshiriqlari doirasida «Sputnik V» ishlab chiqarilishini O‘zbekistonda mahalliylashtirishga kelishib oldik», deb ma’lum qilgan Murashko uchrashuv natijalariga ko‘ra.
Rossiyalik vazir O‘zbekiston Rossiya vaksinasini ishlab chiqarish uchun maydoncha tanlaganini, loyiha ustida ishlar olib borilayotganini qo‘shimcha qilgan.
O‘zbekiston 23 aprelda «Sputnik V» vaksinasining birinchi partiyasini, 27 aprelda esa yana bir partiyasini olgan edi.
O‘zbekistonda 1 apreldan aholini koronavirusga qarshi emlash kampaniyasi olib borilmoqda.
Xitoyliklar orolni egalladi va tark etdi
"El-Klasiko" oldidan "Barselona" muxlislari uchun xushxabar bor
Yaponiyalik olimlar uzoq umr ko‘rishning oddiy usulini oshkor qildi
