Toshkent shahrida elektron tamaki mahsulotlarini sotayotgan shaxslar ushlandi

Bosh prokuratura huzuridagi Departamentning Chilonzor tumani bo‘limi xodimlari tomonidan o‘tkazilgan tezkor tadbirda qonunga xilof ravishda tamaki mahsulotlari savdosi bilan shug‘ullanib kelgan fuqarolar M.O., P.G‘. va A.YU. “K.” MCHJ do‘konida fuqaro S.X.ga xorijda ishlab chiqarilgan 3 turdagi 249 dona elektron tamaki mahsulotini 56,5 mln so‘mga sotgan vaqtida ushlanib, savdo do‘konidan yana 50 dona elektron tamaki mahsulotlari ashyoviy dalil sifatida olingan.
Mazkur holat yuzasidan Jinoyat kodeksining 186-1-moddasi (etil spirti, alkogolli mahsulot va tamaki mahsulotini qonunga xilof ravishda muomalaga kiritish yoki ishlab chiqarish) bilan jinoyat ishi qo‘zg‘atilib, tergov harakatlari o‘tkazilmoqda.