Toshkent metropolitenining Chilonzor yo‘lidagi «Xalqlar do‘stligi» bekatida 5 sentyabr, chorshanba kuni soat taxminan 22:35 larda poyezdda nosozlik yuz berdi va shu sabab liniyada 25 daqiqadan ko‘proq vaqt davomida harakat to‘xtab qoldi. Bu haqda «Gazeta.uz» muxbiri xabar bermoqda.
Sergeli yo‘nalishi tomon harakatni boshlaganidan ko‘p o‘tmay to‘xtagan poyezddan yo‘lovchilar tushirildi, biroz vaqt o‘tib poyezd bekatdan tirkamada tekshiruv yo‘lagi tomon olib ketildi.
Qarama-qarshi yo‘nalishdagi harakat ham to‘xtatildi. Sergeli tomondan kelgan poyezddan yo‘lovchilar tushirilmadi, u eshiklari ochiq holda turdi (yuqoridagi rasmda).
«Xalqlar do‘stligi» va boshqa bekatlarda odamlar to‘plana boshladi.
Taxminan 23:01 da poyezdlar qatnovi tiklandi.
Metropoliten rahbariyati yuzaga kelgan noqulayliklar uchun yo‘lovchilardan uzr so‘radi.
“Axmat” qurolli bo‘linmasi qo‘mondoni Apti Alaudinov o‘z ixtiyori bilan taslim bo‘lgan chechenlarni qutqarmasligini, ular "yashashga loyiq emasligini" aytdi
Ofiserlar ommaviy ravishda ishdan bo‘shamoqda
Krishtianu Ronaldu va Lionel Messi o‘rtasidagi 100 metrga yugurish poygasida kim g‘olib chiqadi?
