Transport vazirligi va AOKA hamkorligida 7 may, juma kuni jurnalistlar uchun yangi metropoliten bekatlari hamda qurilayotgan yerusti halqa metro yo‘nalishining 2-bosqichi bo‘ylab press-tur tashkil etildi. Tadbir davomida «Daryo» muxbiri Mirolim Isajonovga intervyu bergan Toshkent metropoliteni rahbari Oybek Xudoyqulov tizimda bir oyda qancha elektr energiyasi sarflanishi haqidagi savolga javob qaytardi.
«Metroning barcha stansiyalari uchun sarflanadigan bir oylik elektr energiya miqdori 6—6,5 ming kilovaat soatni tashkil qiladi. Bu ko‘rsatkich avval, ya’ni yangi stansiyalar qurilmasidan oldin 4,5—4,7 ming kilovaat soatni tashkil etardi. Bugungi kunda ishlatilayotgan energiyani mablag‘da hisoblaydigan bo‘lsak, oyiga 3,3 milliard so‘mga to‘g‘ri kelyapti. Yiliga esa 35-36 milliard so‘mni rejalashtirganmiz», — dedi Xudoyqulov.
Uning ta’kidlashicha, liniya va bekatlarda qo‘shimcha daromad olish maqsadida info kiosklar, reklamalar faoliyati yo‘lga qo‘yilgan, qaysidir imoratlar ijaraga berilyapti. «Lekin asosiy qo‘shimcha daromad reklama orqali topiladi», — dedi Oybek Xudoyqulov.
19 may kuni yomg‘ir yog‘ishi mumkin bo‘lgan hududlar e’lon qilindi
O‘zbekiston Eron Prezidenti bo‘lgan vertolyotning baxtsiz hodisaga uchrashiga munosabat bildirdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
