Eron prezidenti Ibrohim Raisiy vertolyotining halokatga uchrashi oqibatida barcha yo‘lovchilar va ekipaj a’zolari halok bo‘ldi. Bu haqda Eron Qizil yarim oy jamiyati rahbari Pir Husayn Kolivand ma’lum qildi.
«Halokatga uchragan vertolyotning joylashuvi aniqlanganda, vertolyotda tirik yo‘lovchilarining izlari topilmadi», dedi u IRIB telekanalida. Samolyotda tashqi ishlar vaziri Husayn Amir Abdullohiyan, Sharqiy Ozarbayjon viloyati gubernatori Malek Rahmati va Tabriz shahrining juma imomi Muhammad Ali Ale Hoshem ham bor edi.