THKning Sudandagi bozorga uyushtirgan zarbasi natijasida o‘nlab odamlar halok bo‘ldi

Sudan markazidagi Sinnar shahrida Tezkor harakat kuchlarining (THK) hujumi oqibatida kamida 20 kishi halok bo‘ldi, 70 dan ortiq kishi jarohatlandi.

Bu haqda “Sinxua” agentligi mahalliy tashkilotlarga tayanib xabar bermoqda.

Sinnar Yoshlar Uyushmasi, THK kuchlari shahar bozori va Al-Muvazafin hududiga "ayrimsiz hujum" uyushtirganini, 20 kishini o‘ldirganini va 100 dan ortiq odamni jarohatlaganini aytdi.

Ayni paytda, “Sudan shifokorlari” nodavlat tashkiloti THK o‘qqa tutilishi oqibatida 21 kishi halok bo‘lgani va 70 dan ortiq kishi jarohatlangani haqida xabar berib, hujumni qurolsiz fuqarolarning “qirg‘in”i deb atadi.

Avvalroq JSST Sudandagi mojaro kamida 20 ming kishining hayotiga zomin bo‘lganini ma’lum qilgan edi.

2023 yil 15 apreldan beri Sudanda harbiylar va hozirda poytaxt Xartumning asosiy qismi, Darfur va Kordofan viloyatlarini nazorat qilayotgan THQ o‘rtasida qurolli to‘qnashuvlar davom etmoqda.

13 milliondan ortiq odam o‘z uyini tashlab ketishga majbur bo‘ldi, ulardan 2,3 millioni xorijga qochib ketdi. Vaziyat sog‘liqni saqlash tizimiga jiddiy zarar yetkazilishi bilan murakkablashadi, ko‘plab shifoxonalar va tibbiyot muassasalari o‘z faoliyatini to‘xtatishga majbur bo‘ldi. Mamlakatda vabo epidemiyasi qayd etildi: taxminan 4,2 ming kishi yuqtirildi va kamida 165 kishi vafot etdi.