Muntazam to‘g‘ridan-to‘g‘ri reys Eronning Qeshm Air aviakompaniyasi tomonidan yo‘lga qo‘yilgan.
Tehron-Toshkent-Tehron yo‘nalishida parvoz qilayotgan Airbus A320 samolyoti mahalliy vaqt bilan soat 11.55 da qo‘ndi.
An’anaga ko‘ra, samolyot suv archasi bilan tantanali ravishda kutib olindi.
Parvozlar har hafta, chorshanba kunlari amalga oshiriladi, deb xabar qildi Uzbekistan Airports matbuot xizmati.
